Թուրքիայի և Իրանի նախագահները հանդիպել են Կահիրեում

Թուրքիայի և Իրանի նախագահներ Ռեջեփ Թայիփ Էրդողանն ու Մասուդ Փեզեշյանը հանդիպել են Կահիրեում՝ D-8 գագաթնաժողովի շրջանակներում։Այս մասին հաղորդում է Anadolu-ն։
Հանդիպման ընթացքում Էրդողանը հայտարարել է Սիրիայի միասնության ու տարածքային ամբողջականության պահպանման անհրաժեշտության մասին։
«Թուրքիան ցանկանում է տեսնել Սիրիան որպես մի երկիր, որտեղ արմատախիլ է արված ահաբեկչությունը, փախստականները վերադառնում են կամավոր ու արժանապատվորեն, որտեղ երկրի կայունացմանն ու վերականգնմանը հնարավոր կլինի հասնել հնարավորինս շուտ՝ տարածաշրջանային և միջազգային բոլոր խաղացողների մասնակցությամբ», - նշել է Թուրքիայի նախագահը։