«Հաջորդ տարվա սկզբներին լույս կտեսնի գլխավոր անակնկալը». Հայկ Դեմոյան

Պատմական գիտությունների դոկտոր Հայկ Դեմոյանի ֆեյսբուքյան գրառումը. «Այս տարվա գրահրատարակչական աշխատանքների արդյունքներն առավել քան գոհացուցիչ են. մեկ նոր գիրք՝ Հայ գործարար կյանքի պատկերագիրք և երկու պատկերազարդ գրքերի լրամշակված ու հարստացված տարբերակների վերահրատարակում:

Բայց սա ամենը չի: Հաջորդ տարվա սկզբներին լույս կտեսնի գլխավոր անակնկալը, որն ամփոփելու է երեք տարվա հիրավի տքնաջան ու մանրակրկիտ հետազոտական աշխատանքներիս արդյունքը:
Չեմ մոռացել նաև դպրոցական պատմության այլընտրանքային դասագրքի մասին: Այն անպայման կպատրաստվի ու հասանելի կլինի ուսուցիչների ու աշակերտների համար»: