«ԿԳՄՍՆ-ն ապացուցեց՝ անկախ թատրոնների գոյությունն իր համար ցանկալի չէ». Լիլիթ Բլեյան

Երգչուհի Լիլիթ Բլեյանի ֆեյսբուքյան գրառումը. «Մշակութային տարին ամփոփենք ասելով, որ կգմսնախը էդպես էլ չկարողացավ իր մեջ խիզախություն գտնել ու բացել իր փակած Գոյ թատրոնը։
Ասենք նաև, որ Գոյի անձնակազմը իրոք արվեստային ակտ կատարեց՝ իր թատրոնի շենքը չլքելով, իրենց ստեղծած դահլիճը վերանվաճելու համառ ու բազմատեսակ փորձեր անելով, դատական բոլոր ատյաններ դիմելով, փակ դռների մոտ բազմաթիվ գիշերներ անցկացնելով, այդ դռան մոտ ներկայացումներ խաղալով, բոլորին իրար խառնելով։
Գոյն ապացուցեց, որ իր թատրոնն իր համար կարևոր է, իսկ ԿԳՄՍՆ-ն հերթական անգամ ապացուցեց, որ փոքր, անկախ թատրոնների գոյությունն իր համար ցանկալի չէ, և դա հստակ քաղաքականություն է։
Մնացածը դատարկ խոսակցություններ են»: