Կրեմլը հերքել է Ասադի բաժանման ու նրա ակտիվների սառեցման մասին լուրերը

Սիրիայի նախկին նախագահ Բաշար ալ-Ասադի ունեցվածքը սառեցնելու և Մոսկվայից հեռանալու արգելքի մասին տեղեկատվությունը չի համապատասխանում իրականությանը, ասել է ՌԴ նախագահի մամուլի քարտուղար Դմիտրի Պեսկովը, փոխանցում է РБК-ն։

Ավելի վաղ Haberturk-ը հայտնել էր, որ ռուսական իշխանություններն արգելել են Ասադին հեռանալ Մոսկվայից կամ քաղաքական գործունեությամբ զբաղվել, սահմանափակել նրա ակտիվների և ունեցվածքի հասանելիությունը, իսկ նրա կինը՝ Ասմա Ասադը, դժգոհ է Ռուսաստանում ապրելու պայմաններից և ամուսնալուծություն է խնդրել՝ Լոնդոն տեղափոխվելու համար։

Լրատվամիջոցի հարցին, թե այս տեղեկությունը համապատասխանո՞ւմ է իրականությանը, Պեսկովը պատասխանել է՝ «Ոչ»: