«Կենացային հայրենասիրությամբ «համեմված» ավտոմեքենան խախտում է երթևեկության կանոնները». Արսեն Թորոսյան

ՔՊ-ական պատգամավոր Արսեն Թորոսյանը լուսանկար է տարածել իր էջում՝ կից գրառմամբ. «Խաղաղության շուրջ երեկվա բանավեճից հետո, այսօր կեսօրին մեքենա վարելիս ականատես եղա մի իրավիճակի. կենացային հայրենասիրությամբ «համեմված» և մաշված ռուսական համարներով մեքենան խախտում է երթևեկության կանոնները՝ հատելով հոծ գիծը։

Ըստ էության այս մեքենայում խտացված է այն ամենը, ինչի պատճառով մենք բազմիցս կանգնել ենք կոտրած տաշտակի առաջ, երբ ասել ենք կենացային հայրենասիրական ճառեր, բայց թքած ենք ունեցել սեփական երկրի, դրա բյուջեի և օրենքների վրա»: