Մոլդովան հերքում է

Մոլդովայի նախագահ Մայա Սանդուի գրասենյակը հերքել է Ռուսաստանի ԱՀԾ տեղեկությունը, ըստ որի՝ Սանդուն ռազմական գործողություն է նախապատրաստում Մերձդնեստրում: Այս մասին հայտարարել է նախագահի վարչակազմի ղեկավար Ադրիան Բելուցելը՝ Telegram-ի իր ալիքում։ Միաժամանակ պաշտոնյան պահանջել է դուրս բերել ռուսական խաղաղապահ զորախումբը Մերձդնեստրից։
Նա նաև հավելել է, որ Մոլդովայի կառավարությունն աշխատում է էներգետիկ ճգնաժամից տուժած քաղաքացիներին աջակցելու ուղղությամբ։
Ավելի վաղ ՌԴ ԱՀԾ մամուլի ծառայությունը հայտարարել էր Մերձդնեստրի տարածաշրջանում պատերազմի վտանգի մասին։