Պանամայում ցուցարարներն այրել են Թրամփի լուսանկարն ու ամերիկյան դրոշը

Պանամայում ցուցարարներն իրենց բողոքն են արտահայտել ԱՄՆ նորընտիր նախագահ Դոնալդ Թրամփի՝ Պանամայի ջրանցքի նկատմամբ վերահսկողությունը վերականգնելու հայտարարության վերաբերյալ՝ այրելով նրա լուսանկարն ու ԱՄՆ դրոշը։

Հիշեցնենք՝ Թրամփը դժգոհել էր Պանամայի ջրանցքով ամերիկյան նավերի նկատմամբ կիրառվող բարձր մաքսատուրքերից և սպառնացել այն վերադարձնել ԱՄՆ-ի վերահսկողությանը: Արձագանքելով՝ Պանամայի նախագահ Խոսե Ռաուլ Մուլինոն ասել էր, որ ջրանցքի յուրաքանչյուր մետրը պատկանում է Պանամային և որ այդ հարցը սակարկման ենթակա չէ: