Թրամփը Թրյուդոյին դարձյալ ԱՄՆ նահանգապետ է անվանել  

ԱՄՆ նորընտիր նախագահ Դոնալդ Թրամփն իր սուրբծննդյան ողջյունի ժամանակ Կանադայի վարչապետ Ջասթին Թրյուդոյին նահանգապետ է անվանել և հայտարարել, որ «եթե կանադական տարածքները դառնան ԱՄՆ 51-րդ նահանգ, կանադացիների համար հարկերը կկրճատվեն ավելի քան 60%-ով, նրանց բիզնեսները կկրկնապատկվեն ու նրանք պաշտպանված կլինեն առավել քան աշխարհի որևէ այլ երկիր»,-գրել է նա Truth Social սոցցանցի իր էջում:

Ավելի վաղ Դոնալդ Թրամփը Կանադայի վարչապետ Ջասթին Թրյուդոյին բազմիցս անվանել էր «Կանադայի մեծ նահանգի» նահանգապետ։