Հարավային Կորեայի խորհրդարանը կողմ է արտահայտվել երկրի գործող նախագահի իմփիչմենտին

Կորեայի Հանրապետության խորհրդարանը իմփիչմենտի է ենթարկել երկրի նախագահի պաշտոնակատար, վարչապետ Հան Դուկ Սուին։

Այս մասին հայտարարել է Ազգային ժողովի նախագահ Վու Վոն Շիկը։

Իմփիչմենթին կողմ է արտահայտվել 192 պատգամավոր։ Դրա համար անհրաժեշտ էր պատգամավորների առնվազն 151 ձայն։ Հանդիպումը հեռարձակվել է MBC հեռուստաընկերությամբ։
Իշխող կուսակցության պատգամավորները բոյկոտել են քվեարկությունը։

Հիշեցնենք, որ Հան Դոկ Սուն Հարավային Կորեայի նախագահի պաշտոնակատար դարձավ դեկտեմբերի 14-ին՝ Յուն Սեոկ Յոլի պաշտոնանկությունից հետո, երբ վերջինս ռազմական դրություն հայտարարեց։ Հան Դոկ-Սուի հեռացման համար քվեարկությունը նախաձեռնել է ընդդիմադիր Կորեայի Դեմոկրատական կուսակցությունը, այն բանից հետո, երբ նրա կառավարությունը հրաժարվեց քննարկել Յուն Սոկ-Յոլի և նրա կնոջ՝ Կիմ Գուն Հիի հետաքննության վերաբերյալ օրինագծերը: