Արտաքին ուժերը ձգտում են անկարգություններ հրահրել Սիրիայում․ ՏԱՍՍ

Մի շարք օտարերկրյա պետություններ ձգտում են Սիրիայում կրոնական հողի վրա ատելություն և անկարգություններ հրահրել: Այս մասին ՏԱՍՍ-ին հայտնել է Լաթաքիա նահանգի աղբյուրը, որտեղ դեկտեմբերի 25-ին ալավիների բողոքի ցույցեր են տեղի ունեցել։
«Հիմա նրանք հրահրում են անկարգություններ և բախումներ նոր իշխանությունների, սունիների, քրիստոնյաների, ալավիների միջև։ Նոր իշխանություններին կարգուկանոն է պետք, ոչ ոք խնդիրներ չի ուզում, սակայն նկատվում է դրսից ֆինանսավորվող մեդիաքարոզարշավ, որի նպատակը ատելություն հրահրելն է»,- ասել է գործակալության զրուցակիցը։ Նրա խոսքով՝ «Իսրայելը և ԱՄՆ-ն շահագրգռված են Սիրիայում անկարգություններ հրահրելու հարցում»։