«Աննկատ մնացին հայ նշանավոր ճարտարապետների հոբելյանները». Հայկ Դեմոյան

1410

Շաբաթ, 28 դեկտեմբերի, 2024 թ., 01:12

ՀՑԹԻ նախկին տնօրեն, պատմական գիտությունների դոկտոր Հայկ Դեմոյանի ֆեյսբուքյան գրառումը․ «Երեք վաստակաշատ հայ ճարտարապետների 150-ամյա հոբելյանները
Խավարամտության ու կիսագրագիտության մեջ հայտնված, ցածրակարգ ու կեղծ մշակութային օրակարգեր որդեգրած մեր երկրում աննկատ մնացին անցյալ դարի առաջին կեսում Թբիլիսիում, Բաքվում, Գյումրիում ճարտարապետական իրենց ուրույն դիմագծերով հարուստ ժառանգություն թողած երեք նշանավոր հայ ճարտարապետների հոբելյանները:
Նրանց կառուցած շենքերը մինչ օրս զարդարում են վերոնշյալ քաղաքները՝ հպարտության առիթներ ստեղծելով մեզ բոլորիս:
Հիշենք այս նշանավոր ճարտարապետների անունները՝
- Գաբրիել Տեր-Միքելով (1874 Ստավրոպոլ – 1949 Երևան)
- Ղազարոս Սարկիսյան (1874 Շուշի – 1960 Երևան)
- Պավել Զուրաբով (1874 Շուշի – 1942 Թբիլիսի)
ԿԳՄՍՆ, տեղո՞ւմ եք, թե Սնուփ Դոգի անվան Ակադեմիական քաղաքի նախագծերի վրա եք որոճում շարունակաբար»:

Աղբյուրը` Հայկ Դեմոյան