Ուրբաթ, 18 սեպտեմբերի, 2026 թ.
|
Ստեփանակերտում`   +17 °C

Արցախ Միությունը և Արցախի Մարդու իրավունքների պաշտպանը հավաքագրում են տվյալներ

Արցախ Միությունը և Արցախի Մարդու իրավունքների պաշտպանը հավաքագրում են տվյալներ
1506
Ուրբաթ, 27 դեկտեմբերի, 2024 թ., 23:54

Արցախի նախկին ՄԻՊ և նախկին պետնախարար Արտակ Բեգլարյանը գրում է․ «ՈՒՇԱԴՐՈՒԹՅՈՒՆ. ԽՆԴՐՈՒՄ ԵՄ ՏԱՐԱԾԵԼ ՀԱՄԱՊԱՏԱՍԽԱՆ ԱՆՁԱՆՑ ՇՐՋԱՆՈՒՄ:
Արցախ Միությունը և Արցախի Մարդու իրավունքների պաշտպանը հավաքագրում են տվյալներ Արցախի Հանրապետության բռնազավթված բնակավայրերում Ադրբեջանի իշխանությունների կողմից քանդված կամ յուրացված (զբաղեցված) բնակարանների ու տների վերաբերյալ՝ միջազգային իրավական հնարավոր գործընթացների համար:
Եթե Դուք տեղեկություններ ունեք Ձեր բնակարանի (տան) քանդման կամ յուրացման վերաբերյալ և ցանկանում եք մեկնարկել համապատասխան գործընթացներ միջազգային ատյաններում, ապա կարող եք լրացնել ստորև տրված հարցաթերթիկը:
Ներկայացված տվյալները կիրառվելու են բացառապես միջազգային իրավական նպատակներով՝ Ձեր գրավոր համաձայնությամբ: Տրված տվյալների հիման վրա կապ ենք հաստատելու Ձեզ հետ՝ անհրաժեշտ փաստաթղթերի ու լրացուցիչ նյութերի հավաքագրման և հետագա քայլերի կազմակերպման նպատակով:
Հարցաթերթիկը կարելի է գտնել այստեղ»:

Աղբյուրը`   Արտակ Բեգլարյան

Կարդացե՛ք նաև