«Թանկացման թալանը ոչ մի օգուտ չի կարող տալ, բացի քաղաքացիների կյանքը դժվարացնելուց»․ Արշակ Սարգսյան

Երևանի ավագանու «Մայր Հայաստան» խմբակցության անդամ Արշակ Սարգսյանի ֆեյսբուքյան գրառումը․ «2023թ-ին Ազատության հրապարակի ստորգետնյա ավտոկայանատեղի համար հավաքագրվել է 207 մլն 876 հազար դրամ, իսկ 2024թ-ի դեկտեմբերի 10-ի դրությամբ՝ 257 մլն 805 հազար դրամ, որի կայանման 1 ժամը կրկին 300 դրամ է և աճի տարբերությունը կազմում է մոտ 21%։
Իսկ Ա և Բ գոտիների համար հավաքագրված գումարը 2024-ին՝ դեկտեմբերի 10-ի դրությամբ, հավաքագրվել է 1 մլրդ 847 մլն 364 հազար դրամ, 2023-ի համեմատ գրեթե կրկնակի ավելի է հավաքագրվել։
Սա ևս մեկ անգամ ապացուցում է, որ վերգետնյա և ստորգետնյա ավտոկայանատեղիների պակաս ունենք, քանի որ մարդիկ իրականում պետք է ավելի շատ օգտվեին ավտոկայանատեղերից, քան Ա և Բ գոտիներից։ Թանկացման թալանը ոչ մի օգուտ չի կարող տալ, բացի քաղաքացիների կյանքը դժվարացնելուց»։