«Կշարունակենք սկզբունքային և վճռական քաղաքականությունը Հայաստանի հետ հարաբերությունների կարգավորման հարցում». Ադրբեջանի ԱԳՆ

2527

Շաբաթ, 28 դեկտեմբերի, 2024 թ., 20:24

Ադրբեջանը շարունակելու է իր սկզբունքային քաղաքականությունը Հայաստանի նկատմամբ՝ ազգային շահերին համապատասխան.

Այս մասին ասված է Ադրբեջանի արտաքին գործերի նախարարության՝ 2024թ-ի արդյունքների հաշվետվության մեջ:

Նշվում է, որ Ադրբեջանի ինքնիշխանության, տարածքային ամբողջականության, սահմանների անձեռնմխելիության, անվտանգության և բարեկեցության ապահովումը շարունակելու է մնալ արտաքին քաղաքականության հիմնական նպատակը, ինչպես նաև Հայաստանի հետ հարաբերությունների կարգավորման և այլ երկրների հետ համագործակցության օրակարգի հիմքը:

Թշնամական երկրի գերատեսչությունում նշել են, որ 2024 թվականին Ադրբեջանի դիվանագիտական գործունեությունն ուղղված է եղել Հայաստանի հետ հարաբերությունների կարգավորման օրակարգի խթանմանը՝ հիմնված միմյանց ինքնիշխանության, տարածքային ամբողջականության և պետական սահմանների փոխադարձ ճանաչման և հարգանքի վրա։ «Ադրբեջանը հետևողական և վճռական արտաքին քաղաքականություն է վարել՝ հակազդելու Հայաստանի և նրա հովանավորների զրպարտչական արշավին»,- հայտարարում է թշնամին։