Վլադիմիր Զելենսկին հանձնարարել է հետախուզությանն ավիաաղետի մասին փաստեր փոխանցել Ադրբեջանին

Իր երեկոյան ելույթի ժամանակ Վլադիմիր Զելենսկին ասել է, որ Ադրբեջանի նախագահ Իլհամ Ալիևի հետ զրույցից հետո հետախուզությանը հանձնարարել է Բաքվին փոխանցել Ղազախստանի Ակտաու քաղաքում «Ադրբեջանական ավիաուղիներ»-ի ինքնաթիռի կործանման վերաբերյալ առկա տվյալները: Հիշեցնենք՝ ինքնաթիռը Բաքվից Գրոզնի էր թռչում։
«Ես կասկած չունեմ, որ «Ադրբեջանական ավիաուղիներ»-ի ինքնաթիռի կործանման մասին ամբողջական ճշմարտությունը կպարզվի»,- նշել է Զելենսկին։

«Այսօր ես լսեցի հետախուզական զեկույցը տեղի ունեցածի և մեր ունեցած տվյալների վերաբերյալ: Ես հրամայեցի, որ բոլոր փաստերը փոխանցվեն մեր գործընկերներին», - հավելել է Զելենսկին: