Պուտինը ներողություն է խնդրել Ալիևից

ՌԴ նախագահ Վլադիմիր Պուտինն Ադրբեջանի նախագահ Իլհամ Ալիևի հետ զրույցի ընթացքում ներողություն է խնդրել Ռուսաստանի օդային տարածքում AZAL ինքնաթիռի հետ տեղի ունեցած ողբերգական միջադեպի համար, հայտնում է Կրեմլը։

Երկրների ղեկավարները իրավիճակը քննարկել են ռուսական կողմի նախաձեռնած զանգի ժամանակ։

«Վլադիմիր Պուտինը ներողություն է խնդրել Ռուսաստանի օդային տարածքում տեղի ունեցած ողբերգական միջադեպի համար և ևս մեկ անգամ իր խորը և անկեղծ ցավակցությունն է հայտնել զոհվածների ընտանիքներին, իսկ վիրավորներին մաղթել շուտափույթ ապաքինում»,- ասվում է Կրեմլի հաղորդագրությունում։