Ադրբեջանում իջեցվել է զորակոչի տարիքը

Ադրբեջանում իջեցվել է զինվորական ծառայության առավելագույն տարիքը. օրենսդրության համապատասխան փոփոխությունները ներկայացրել է նախագահ Իլհամ Ալիևը։

Ըստ փոփոխության՝ զինակոչիկ են համարվում Ադրբեջանի՝ 18-30 տարեկան արական սեռի քաղաքացիները, ովքեր գտնվում են նախնական զինվորական հաշվառման մեջ, ինչպես նաև զինվորական հաշվառման ենթակա, սակայն ակտիվ զինվորական ծառայություն չանցած անձինք։

Նախկինում ակտիվ զինվորական ծառայության էին զորակոչվում 18-35 տարեկան տղամարդիկ։