«ԱՄՆ-ից կարևոր որոշում ենք սպասում»․ Զելենսկի

935

Երկուշաբթի, 30 դեկտեմբերի, 2024 թ., 11:07

Ուկրաինայի նախագահ Վլադիմիր Զելենսկին դեկտեմբերի 29-ի երեկոյան իր ելույթում հայտնել է, որ Միացյալ Նահանգները երկուշաբթի կհայտարարի Ուկրաինային աջակցելու կարևոր որոշման մասին։

«Ես գիտեմ, որ պատրաստվում է ամերիկյան կարևոր որոշում՝ ի պաշտպանություն Ուկրաինայի, ուստի ակնկալում ենք պաշտոնական հայտարարություն՝ աջակցության փաթեթների վերաբերյալ»,- ասել է պետության ղեկավարը։
Զելենսկին հավելել է, որ օգնությունը պետք է նպաստի ռազմաճակատում առաջխաղացում ապահովելուն։
Հիշեցնենք՝ ուրբաթ Սպիտակ տունը հայտարարել էր Ուկրաինային ռազմական օգնության նոր փաթեթի մասին, սակայն մանրամասներ չեն հաղորդվել։