Դամասկոսի զինամթերքի պահեստի ուղղությամբ իսրայելական հարվածների հետևանքով 5 զինծառայող է զոհվել

Իսրայելական հարվածների պատճառով սպանվել են սիրիացի առնվազն հինգ զինծառայողներ, որոնք հսկում էին Դամասկոսի Ադրա ալ Ումալիա թաղամասում գտնվող զենքի պահեստը, ТАСС-ին հայտնել է տեղական աղբյուրը։

Աղբյուրի տվյալներով՝ «իսրայելական ԱԹՍ-ների ավիահարվածները թիրախավորել են զենքի պահեստը, որը պատկանում էր Սիրիայի նախկին կառավարական ուժերին, զոհվել է հինգ մարդ, ովքեր հսկում էին հաստատությունը»։ Հաղորդվում է նաև, որ մոտակայքում գտնվող խանութներում աշխատող որոշ խաղաղ բնակիչներ նույնպես զոհվել են, թեև բնակիչների շրջանում զոհերի ճշգրիտ թիվը անհայտ է: