«Ինքնաթիռի կործանման հետաքննությամբ պետք է զբաղվի Միջազգային հանձնաժողովը»․ ադրբեջանցի պատգամավոր

«Ադրբեջանի ժողովրդական ճակատ» կուսակցության ղեկավար Ալի Քարիմլին հայտարարել է, որ Ռուսաստանի օդային տարածքում ինքնաթիռի կործանման հետաքննությամբ պետք է զբաղվի Միջազգային հանձնաժողովը։

«Ինքնաթիռի սև արկղը Բրազիլիա ուղարկելու որոշումը ողջունելի է, սակայն դա չի երաշխավորում լիովին օբյեկտիվ հետաքննություն: Ակնհայտ է, որ Ռուսաստանը շահագրգռված է հանցագործության մանրամասները թաքցնելու և պատասխանատուներին պատասխանատվությունից զերծ պահելու հարցում։ Ցավոք, Ռուսաստանը դեռևս զգալի ազդեցություն ունի Ղազախստանի և Ադրբեջանի կառավարությունների վրա։ Այդ իսկ պատճառով հետաքննությունը պետք է իրականացնի ավելի լայն միջազգային հանձնաժողով՝ հնարավորինս շատ պետությունների ու միջազգային փորձագետների ներգրավմամբ»,- ասել է Քարիմլին։