Թուրքիայում ձերբակալել են խարդախների, որոնք զբոսաշրջիկներից 60 միլիոն դոլար են կորզել

Թուրքիայում բացահայտվել է խարդախների հանցավոր խումբ, որը զբոսաշրջիկներին խաբելով ավելի քան 2,1 միլիարդ թուրքական լիրա (60 միլիոն դոլար) է հափշտակել։ Ձերբակալվել է 20 հանցագործ, տասներկու մարդ կալանորվել է, հայտնում է IHA գործակալությունը։ Թուրք իրավապահները կասկածյալներին բացահայտելու հատուկ օպերացիայի վրա ծախսել են 5 ամիս։ Ձերբակալությունները տեղի են ունեցել Թուրքիայի 9 նահանգներում և Թուրքիայի ամենամեծ քաղաքում՝ Ստամբուլում։

Խարդախության մեջ կասկածվողները բունգալո ոճով հյուրանոցներ գովազդող գովազդներ են տեղադրել։ Խաբեբաները խաբել են հաճախորդներին՝ գումար ստանալով գոյություն չունեցող ամրագրումների համար։ Լրատվամիջոցները գրում են հարյուրավոր տուժածների մասին։ «Նրանց հաշիվներում, որ օգտագործվել են տուժածներին խաբելու համար, կար 2 միլիարդ 147 միլիոն 983 հազար թուրքական լիրա»,- ասվում է թուրքական գործակալության հաղորդագրության մեջ։