Իրանի անվտանգության ղեկավարը խոստանում է «նոր դիմադրության ճակատ»` ընդդեմ Իսրայելի

Իրանի անվտանգության ղեկավար Ալի Աքբար Ահմադիանը հայտարարել է, որ Սիրիայում նոր խմբավորում է ձևավորվում՝ նախագահ Բաշար ալ-Ասադի վարչակարգի տապալումից հետո Իսրայելի դեմ պայքարելու համար:

«Սիոնիստական ​​ռեժիմի կողմից սիրիական տարածքների բռնազավթմամբ նոր դիմադրություն է ի հայտ եկել, որը կդրսևորվի առաջիկա տարիներին»,- ասել է Ահմադիանը, հաղորդում է ԻՌՆԱ լրատվական գործակալությունը:

Ահմադիանը պնդում է, որ Իրանի հակաիսրայելական «դիմադրության առանցքը» չի թուլացել Ասադի տապալումից հետո։