Տասնյակ զոհեր ու վիրավորներ՝ Նոր Օռլեանում․ ավտոմեքենան մխրճվել է ամբոխի մեջ

Նոր Օռլեանում ավտոմեքենան մեծ արագությամբ մխրճվել է մարդկանց ամբոխի մեջ, առնվազն 10 մարդ է զոհվել, ևս 30-ը՝ վիրավորվել։ Միջադեպը տեղի է ունեցել քաղաքի զբոսաշրջային հայտնի վայրում, որտեղ մարդիկ նշում էին Ամանորը։ Տեղական լրատվամիջոցները հայտնում են, որ վարորդը դեպքի վայրից դիմել է փախուստի։
Միջադեպը տեղի է ունեցել տեղական ժամանակով ժամը 03:15-ի սահմաններում Բուրբոն փողոցի և Իբերվիլի խաչմերուկում։
Ոստիկանության տվյալներով՝ վրաերթը դիտավորյալ է եղել։ Վարորդին դեռ չեն ձերբակալել։