«Նիկոլ Փաշինյանի կառավարությունը պետք է ռազմավարական շրջադարձ կատարի». Գուրգեն Սիմոնյան

«Ես ակնկալում եմ, որ 2025-ին Մեղրիի և Մարգարայի անցակետից ռուսները դուրս գան, Եվրոմիության դիտորդական առաքելության թվաքանակի ավելացում լինի, մինչև ապրիլ ամբողջ ՀՀ սահմանագիծը ռուսաթափվի, 102-րդ ռազմաբազայի պայմանագիրը դեմոստրացվի և մինչև ամառ պայման դրվի՝ 102-րդ ռազմաբազան ապամոնտաժել և հեռացնել ՀՀ-ից, մինչև սեպտեմբեր դուրս գանք ԵԱՏՄ-ից»,-«Ֆակտոր»-ի եթերում ասաց քաղաքական գործիչ Գուրգեն Սիմոնյանը՝ ընդգծելով, որ եթե ներկայիս իշխանությունները այս գործընթացներն անեն, նրանք կվաստակեն շանս՝ արկղի միջից դուրս ցատկելու և 2-րդ, 3-րդ կարգավիճակով խորհրդարանում ներկայացված լինելու համար:

«Ես չեմ պատկերացնում ՀՀ պետական կառավարման համակարգի բարեփոխման լայնածավալ ծրագրեր, որոնք Նիկոլ Փաշինյանի կառավարությունը հնարավորություն կունենա անելու: Չի կարող անել սահմանադրական բարեփոխումներ»,- նշեց քաղաքական գործիչը և մատնացույց արեց. «Թող ռազմավարական շրջադարձ կատարեն: Ժամանակը եկել է, ուշացրեցիք, Բաշար Ասադի օրը կընկնեք: Նա էլ 10 տարի շանս ուներ, բայց չկարողացավ ձևավորել նոր իրողություններ»: