Ֆիցոն սպառնացել է չօգնել ուկրաինացի փախստականներին՝ ի պատասխան գազի տարանցման դադարեցման

1136

Ուրբաթ, 03 հունվարի, 2025 թ., 14:13

Սլովակիան կքննարկի Ուկրաինայի տարածքով ռուսական գազի մատակարարումների դադարեցման հետ կապված պատասխան միջոցները, հայտարարել է վարչապետ Ռոբերտ Ֆիցոն։

«Ես հայտարարում եմ, որ իմ կուսակցությունը պատրաստ է քննարկել և համաձայնության գալ էլեկտրաէներգիայի մատակարարումը դադարեցնելու և Սլովակիայում Ուկրաինայի քաղաքացիների աջակցությունը զգալիորեն նվազեցնելու հարցում», - ասել է Ֆիցոն: Նա նաև «սաբոտաժ» է անվանել Ուկրաինայի նախագահ Վլադիմիր Զելենսկու կողմից գազի մատակարարումների դադարեցումը։

Ռուսական գազի մատակարարումների դադարեցման պատճառով Սլովակիայի կորուստները Ֆիցոն գրեթե 500 մլն եվրո է գնահատել։

Հիշեցնենք, որ հունվարի 1-ին Ուկրաինան դադարեցրել է ռուսական բնական գազի տարանցումն իր տարածքով: Կիևը բազմիցս զգուշացրել է, որ չի երկարաձգի տարանցման համաձայնագիրը՝ խուսափելու համար Ռուսաստանի պատերազմը ֆինանսավորելուց: