Առնվազն 66 պաղեստինցի է զոհվել Իսրայելի 30 հարձակումների հետևանքով

623

Կիրակի, 05 հունվարի, 2025 թ., 09:54

Առնվազն 66 պաղեստինցի է զոհվել Գազայի հատվածի վրա իսրայելական բանակի հարձակման հետևանքով, հայտնում է Al Jazeera քաթարական հեռուստաալիքը՝ հղում անելով Գազայի բժշկական և փրկարարական ծառայություններին։

Շաբաթ օրը իսրայելական ուժերը 30 հարձակում են իրականացրել Գազայի հատվածում, ինչի հետևանքով զոհվել է առնվազն 66 պաղեստինցի։ Ինչպես նշում է հեռուստաալիքը, զոհերի թվում կան բազմաթիվ երեխաներ։

Հիշեցնենք, որ Մերձավոր Արևելքում լարվածությունը կրկին սրվեց 2023 թվականի հոկտեմբերի 7-ին, երբ ՀԱՄԱՍ-ի զինյալները Գազայից անսպասելի հարձակում կատարեցին Իսրայելի տարածքի վրա՝ սպանելով և պատանդ վերցնելով իսրայելական սահմանամերձ բնակավայրերի բնակիչներին:

Ի պատասխան՝ Իսրայելը անկլավում գործողություն է սկսել, որի նպատակն է ոչնչացնել ՀԱՄԱՍ-ի ռազմական և քաղաքական կառույցները և ազատել բոլոր պատանդներին։