Ադրբեջանական Embraer ինքնաթիռի սև արկղերն արդեն Բրազիլիայում են

Դեկտեմբերի 25-ին Ղազախստանում խոցված ադրբեջանական Embraer ինքնաթիռի սև արկղերը ներկայումս վերծանվում են Բրազիլիայում, գրում է Բաքվի «Թուրան» գործակալությունը՝ վկայակոչելով O. Գլոբոյին։

Բրազիլիայի ռազմաօդային ուժերը հայտարարել են, որ ընթացող հետաքննությունը, որին մասնակցում են երեք բրազիլացի քննիչներ, ինչպես նաև Ադրբեջանի և Ռուսաստանի ներկայացուցիչներ, դեռևս ավարտման հստակ ժամկետ չունի, սակայն իշխանությունները լիահույս են, որ արդյունքները երկար սպասել չեն տա:

Հիշեցնենք, որ Ադրբեջանը մերժել էր ԱՊՀ ավիացիոն մարմնի միջոցով ինքնաթիռի կործանման հետաքննություն անցկացնելու՝ Ռուսաստանի և Ղազախստանի առաջարկները՝ նախընտրելով միջազգային հետաքննությունը Embraer-ի փորձագետների մասնակցությամբ։