Հինգշաբթի, 30 ապրիլի, 2026 թ.
|
Ստեփանակերտում`   +12 °C

Ռուսաստանը դատի կտա գերմանական Siemens ընկերությանը

Ռուսաստանը դատի կտա գերմանական Siemens ընկերությանը
705
Կիրակի, 05 հունվարի, 2025 թ., 18:18

«Ռոսատոմ»-ը դատի է տալու Siemens-ին՝ Թուրքիայում կառուցվող «Աքքույու» ատոմակայանին սարքավորումներ չմատակարարելու համար։ Այս մասին «Ռոսիա 24» հեռուստաալիքին տված հարցազրույցում հայտարարել է կորպորացիայի գլխավոր տնօրեն Ալեքսեյ Լիխաչովը։

«Այն սարքավորումները, որոնց համար կանխավճար է կատարվել, չեն առաքվել։ Սա հանգեցրել է լրացուցիչ ծախսերի ինչպես սարքավորումների ձեռքբերման, այնպես էլ դրա տեղադրման ժամկետների համար: Մենք մտադիր ենք այս հարցով հայց ներկայացնել»,- հարցին, թե արդյոք գումարները վերադարձվել են չմատակարարված սարքավորումների համար, պատասխանել է Լիխաչովը:

Նշվում է, որ Siemens-ը խախտել է թուրքական «Աքքույու» ատոմակայանին սարքավորումներ մատակարարելու պայմանագրային պարտավորությունները։ Արդյունքում բոլոր անհրաժեշտ բաղադրիչները հայտնաբերվել են Ռուսաստանի Դաշնությանը «բարյացակամ» երկրներում։ Siemens-ը դադարեցրել է գործունեությունը Ռուսաստանում 2022 թվականի մարտից՝ Ուկրաինայում պատերազմի բռնկման պատճառով։ Նույն թվականի մայիսին կոնցեռնը հայտարարեց Ռուսաստանում բոլոր արդյունաբերական գործունեությունը դադարեցնելու իր որոշման մասին։