«Մեծ Բրիտանիան շատ մեծ սխալ է թույլ տալիս». Դոնալդ Թրամփ

Մեծ Բրիտանիան «շատ մեծ սխալ է թույլ տալիս»՝ ծրագրելով հրաժարվել Հյուսիսային ծովում նավթի և գազի արդյունահանումից, այնինչ պետք է «բացի» այն և «ազատվի հողմաղացներից»: Այս մասին Truth Social սոցիալական ցանցում հայտնել է ԱՄՆ-ի նորընտիր նախագահ Դոնալդ Թրամփը։

Թրամփը կցել է APA Corporation-ի նոյեմբերյան հայտարարության հղումը, որին պատկանում է ամերիկյան Apache նավթային ընկերությունը։ Այդժամ ընկերությունը հայտարարել էր, որ կդադարեցնի իր գործունեությունը Հյուսիսային ծովում մինչև 2029 թվականը: Նա, որպես պատճառ՝ նշել է բարձր հարկերը և բնապահպանական կանոնակարգերը, որոնք գործունեությունը դարձնում են «ոչ շահութաբեր»: