ԱՄՆ-ն կթուլացնի Սիրիայի դեմ պատժամիջոցները․ #WSJ

804

Երկուշաբթի, 06 հունվարի, 2025 թ., 09:43

ԱՄՆ նախագահի վարչակազմը կթուլացնի Սիրիա հումանիտար ապրանքների մատակարարման սահմանափակումները: Հայտարարությունը կհրապարակվի հունվարի 6-ին, գրում է Wall Street Journal-ը՝ հղում կատարելով իր աղբյուրներին։

Սահմանափակումների վերացումը նախատեսվում է վեցամսյա ժամկետով։

Միացյալ Նահանգները գործում է զգուշավոր՝ չվերացնելով Սիրիայի դեմ սահմանված բոլոր սահմանափակումները, քանի դեռ նոր իշխանությունների քաղաքականության ուղղությունը չի հստակեցվել։ Վաշինգթոնը երաշխիքներ է ակնկալում, որ Դամասկոսը կկատարի կանանց և էթնիկ փոքրամասնությունների իրավունքների վերաբերյալ իր խոստումները: