«Ավիավթարի մեղքը ՌԴ ներկայացուցիչների վրա է». Ալիև

Ադրբեջանի նախագահ Իլհամ Ալիևը շարունակում է պահանջել պատժել Ակտաուի մերձակայքում կործանված «Ադրբեջանական ավիաուղիներ»-ի (AZAL) ինքնաթիռի վթարի մեղավորներին։

«Վստահաբար կարող եմ ասել, որ այս աղետի հետևանքով Ադրբեջանի քաղաքացիների զոհվելու մեղքը Ռուսաստանի Դաշնության ներկայացուցիչների վրա է։ Մենք պահանջում ենք պատժել մեղավորներին, պահանջում ենք արդարություն, լիակատար թափանցիկություն և մարդկային վերաբերմունք»,- ասել է Ալիևը՝ ինքնաթիռի կործանման հետևանքով զոհված անձնակազմի ընտանիքի անդամների և ողջ մնացած բորտուղեկցորդների հետ հանդիպման ժամանակ։