Կիրակի, 20 ապրիլի, 2025 թ.
|
Ստեփանակերտում`   +6 °C

Ուկրաինական զորքը հեռացել է նաև Կուրախովոյից

Ուկրաինական զորքը հեռացել է նաև Կուրախովոյից
624
Երկուշաբթի, 06 հունվարի, 2025 թ., 19:54

Կուրախովո քաղաքի վերաբերյալ հայտարարություններին միացել է Ուկրաինայի Զինված ուժերի 46-րդ օդադեսանտային բրիգադի ոչ պաշտոնական թելեգրամ- ալիքը, որը հեգնանքով արձագանքել է ուկրաինական հրամանատարության հայտարարությանը, թե Կուրախովոյում մարտերը դեռ շարունակվում են։

«Բոտում հարցնում են Կուրախովոյի մասին։ Լքե՞լ են, չե՞ն լքել: Ահա, մի քանի օր առաջ տրվեց սպառիչ պատասխան»,- գրել են ալիքի հեղինակները՝ հղում տալով հունվարի 2-ի իրենց լակոնիկ գրառմանը, որի իմաստն այն էր, որ 46-րդ բրիգադն ավարտել է իր դուրսբերումը Կուրախովոյից։

«Առաջարկում ենք «մալյարիզացիային» նախապատվություն տվողներին՝ օգտվել հեռուստամարաթոնից կամ պաշտոնական աղբյուրներից։ Նրանց մոտ Կուրախովոյի համար մարտերը դեռ շարունակվում են»,- գրում են օդադեսանտային բրիգադի ալիքի հեղինակները։

Նրանք առաջարկում են «մալյարիզացիա» անվանել ռազմական ղեկավարության՝ խրոխտ, բայց իրականությանը չհամապատասխանող հայտարարությունները, որոնցում, ըստ նրանց, բազմիցս «բռնվել» է պաշտպանության նախկին փոխնախարար Աննա Մալյարը։

Կարդացե՛ք նաև