Լիբանանի բանակը մտել է Իսրայելի հետ սահմանային գոտի

2650

Երկուշաբթի, 06 հունվարի, 2025 թ., 21:30

Լիբանանի բանակի ստորաբաժանումները Լիբանանում ՄԱԿ-ի ժամանակավոր ուժերի (UNIFIL) խաղաղապահների հետ մտել են Իսրայելի հետ սահմանին գտնվող Ան-Նաքուրա բնակավայր։

Այս մասին հայտնում է Janoubia-ն։

Զինվորականները անցակետեր են տեղադրել քաղաքի արևմտյան մուտքի մոտ և Վադի Համուլի շրջան տանող մայրուղու վրա։

Բանակային ուժերի տեղակայումն սկսվել է Նաքուրայից իսրայելական զորքերի դուրսբերումից հետո, որոնք այնտեղ ռազմական գործողություն են իրականացրել՝ ոչնչացնելու համար ստորգետնյա թունելները և «Հեզբոլլահ»-ի զինյալների պահեստները։