Թրամփը տեսանյութ է հրապարակել, որտեղ գրենլանդացիները խնդրում են ԱՄՆ-ին՝ գնել կղզին

ԱՄՆ նորընտիր նախագահ Դոնալդ Թրամփը տեսանյութ է հրապարակել, որտեղ գրենլանդացիները խնդրում են ԱՄՆ-ին գնել իրենց կղզին։ Հրապարակումն արվել է Truth Social սոցիալական ցանցում։

Տեսանյութը նկարահանել է քաղաքական գործչի որդու՝ Դոնալդ Թրամփ-կրտսերի թիմը, որը հունվարի սկզբին այցելել է կղզի։

«Շնորհակալ եմ Գրենլանդիայի անհավանական ժողովրդին՝ իմ որդուն՝ Դոն կրտսերին և ԱՄՆ այլ ներկայացուցիչներին նման ջերմ ընդունելություն ցուցաբերելու համար։ Մենք նորից կտեսնվենք շուտով»: - գրել է Թրամփը։