«Էս ինչ սարսափ ժողովուրդ է բաժին ընկել էդ խեղճ մարդուն». Արմեն Դուլյան

Լրագրող Արմեն Դուլյանի ֆեյսբուքյան գրառումը. «Էս ինչ անշնորհակալ ժողովուրդ ենք...
Նոր նայում էի վրդովված վարչապետի ելույթը կառավարության նիստում... Այս անգամ մեր, թոշակառուներիս, վրա էր զայրացած... Իսկապես ուզում էի անմիջապես քանդել սենյակի հատակը ու գետինը մտնել... Էս ինչ անշնորհակալ ժողովուրդ ենք բայց՝ 5 տարում 5 անգամ բարձրացրել են նվազագույն թոշակը, դարձրել 35 հազար, էլի բողոքում ենք...
Կռվել էլ չենք սիրում, 11 հազար դասալիք ընդամենը 44 օրվա ընթացքում...
Աշխատել էլ չենք սիրում, աղքատությունը մեր ուղեղում պինդ նստած է...
Էս ինչ սարսափ ժողովուրդ է բաժին ընկել էդ խեղճ մարդուն... Միայն մի նրբություն կա՝ ախր եթե էսպիսին չլինեինք, միգուցե ինքն էլ հիմա կառավարական դաչայում չապրեր ու աշխարհի մայրաքաղաքներով ողջ ընտանիքով չպտտվեր...
Միգուցե բազմաթիվ այլ բաներ էլ Հայաստանի ու Արցախի հետ տեղի չէին ունենա»: