«ԱՄՆ-ի հետախուզական ծառայությունները հեռախոսները կոտրելու «բազմաթիվ եղանակներ» ունեն». Մարկ Ցուկերբերգ
![]() 1151 Շաբաթ, 11 հունվարի, 2025 թ., 21:37 Meta-ի հիմնադիր Մարկ Ցուկերբերգը բլոգեր Ջո Ռոգանի հետ փոդքաստում ասել է, որ ԱՄՆ-ի հետախուզական գործակալությունները մեսենջերների հաղորդագրություններ մուտք գործելու «բազմաթիվ եղանակներ» ունեն, թեև գաղտնագրումն ինքնին, ինչպես Signal-ում կամ WhatsApp-ում, մնում է հուսալի: Քննարկումն սկսվել է հեռուստահաղորդավար Թաքեր Քարլսոնի հիշատակումից հետո, ով մեղադրել էր հետախուզական գործակալություններին իր Signal մեսենջերի հաղորդագրությունները կարդալու համար, ինչը, ըստ նրա, թույլ է տվել նրանց իմանալ Վլադիմիր Պուտինի հետ հարցազրույցի իր պլանների մասին: Ցուկերբերգը բացատրել է, որ քիչ հավանական է, որ հետախուզական ծառայությունները կոտրեն Signal-ը, քանի որ դրա գաղտնագրման մակարդակը բարձր է: «Signal-ը, ինչպես WhatsApp-ը, օգտագործում է սովորական բաց կոդով ծածկագրում, ինչը տեխնիկապես անհնար է դարձնում սերվերների միջոցով հաղորդագրությունների հասանելիությունը նույնիսկ հենց Meta-ի համար»,- ասել է նա: Այնուամենայնիվ, նա ընդգծել է, որ նամակագրության հասանելիությունը կարելի է ձեռք բերել հենց օգտատիրոջ սարքը կոտրելու միջոցով։ «ԱԱԾ-ն կամ ԿՀՎ-ն, հավանաբար, շատ ուղիներ ունեն դա անելու համար: Եթե հեռախոսը կոտրվում է, ապա գաղտնագրումն այլևս պաշտպանիչ չէ»,- նշել է Meta-ի հիմնադիրը: Ի վերջո, Ցուկերբերգն օգտատերերին խորհուրդ է տվել ջնջել հաղորդագրությունները, որպեսզի նվազագույնի հասցվի օտարների ձեռքն ընկնելու վտանգը, եթե իրենց սարքը կոտրեն: |
«Մի պահ պատկերացրեք՝ աղանդավորներից մեկին պետությունն ապօրինի գաղտնալսեր ու հրապարակեր»․ Նարեկ Մալյան
5306:30«Ձևավորվում է նոր հասարակություն, որը սկսում է գիտակցել՝ ինչ է իր հետ կատարվում»․ Վահե Հովհաննիսյան
14104:18«Չէր կարող կոռուպցիոն սխեմայի մասին Հոգաբարձուների խորհրդի նախագահը տեղյակ չլինել»․ Ցոլակ Ակոպյան
10702:00«Դանիել Իոաննիսյանին թվում է, թե ինքը շատ իմաստուն է»․ Վահագն Ավագյան
14601:30«Խոստացված խաղաղությունը վեր է ածվել ներքին ահաբեկման մեթոդի»․ Դավիթ Անանյան
16801:06«ՔԿ-ն պետք է պարզի՝ ով է կատարել ապօրինի գաղտնալսում, թեպետ գիտենք՝ ում հրահանգով է»․ Արա Պողոսյան
15500:36«Դուք հոգևորակա՞ն եք, թե՞ սատանա»․ Արայիկ Հարությունյան
22100:13«Մայր Աթոռի դեմ արշավը կարող է խափանել միայն համարժեք հակազդեցությունը»․ Իշխան Սաղաթելյան
17400:00