Լեհաստանն արգելել է Սլովակիայի խորհրդարանի պատվիրակությանը` Ռուսաստան թռչել իր երկնքով

Լեհաստանն արգելել է Սլովակիայի խորհրդարանի պատվիրակությանը տեղափոխող ինքնաթիռին՝ թռչել իր օդային տարածքով՝ Ռուսաստան այցելության ժամանակ։ Պատվիրակությունը Մոսկվա է մեկնել Գերմանիայի և Չեխիայի տարածքով։

Այս մասին հայտարարել է Սլովակիայի խորհրդարանի փոխխոսնակ, SNS (Սլովակիայի ազգային կուսակցություն) կուսակցության ղեկավար Անդրեյ Դանկոն։

«Ես չեմ հասկանում Լեհաստանի այս մոտեցումը, բայց ամեն դեպքում ես դա ընկալում եմ՝ որպես իրականություն»,- ասել է նա։

Սլովակիայի պատվիրակությունը, ըստ Դանկոյի, ժամանել է Մոսկվա երեկոյան:

Հունվարի 5-ին Դանկոն ասել էր, որ հունվարին իր այցը Մոսկվա կօգնի վերականգնել Ռուսաստանի հետ հարաբերությունները։ Նրա խոսքով, այս ուղևորությունը կլինի այն երկխոսության շարունակությունը, որը սկսել է Սլովակիայի վարչապետ Ռոբերտ Ֆիցոն, երբ նա այցելեց Մոսկվա 2024 թվականի դեկտեմբերի 22-ին։