«Գրենլանդիայի հարցով նախագահը չի բացառում ոչ մի տարբերակ, անգամ` ուժային». Թրամփի խորհրդական

ԱՄՆ-ի նորընտիր նախագահ Դոնալդ Թրամփը պատրաստ է դիտարկել Գրենլանդիայի հետ կապված գործողությունների բոլոր հնարավոր տարբերակները՝ չբացառելով ուժի կիրառումը։

Այս մասին ABC-ի եթերում ասել է Թրամփի ազգային անվտանգության հարցերով խորհրդական Մայքլ Ուոլթցը։

«Նախագահ Թրամփը միշտ հավանական է համարում բոլոր տարբերակները,- ասել է նա,- կան մի շարք ուղիներ, որոնցով մենք կարող ենք փոխել գոյություն ունեցող պայմանագրերը: Գրենլանդացիներից մենք լսում ենք, որ նրանք առաջ են քաշում անկախության հարցը, ինչը բազմաթիվ այլ հնարավորություններ է բացում, սակայն նախագահ Թրամփը, ի տարբերություն իր նախորդի, չի պատրաստվում բացառել որևէ տարբերակ»։