Տուլայում ռազմական հոսպիտալ է այրվում

Ռուսաստանի Տուլա քաղաքի զինվորական հոսպիտալում խոշոր հրդեհ է բռնկվել։ Շենքը պատկանում է օդադեսանտային ուժերի 39-րդ առանձին բժշկական ջոկատին։ Այս մասին գրում է Baza թելեգրամ-ալիքը։
Հայտնի է, որ հրդեհն ընդգրկել է Սովետսկայա փողոցում գտնվող զինվորական հոսպիտալի հարկերից մեկը։ Այրվում է 1000 քառակուսի մետր տարածք։
Հայտնի է նաև, որ կրակը տարածվել է տանիքի վրա։ Հրդեհի նախնական պատճառը՝ լարերի կարճ միացում. հրդեհի պահին ներսում մոտ 200 մարդ է եղել։ Բուժաշխատողներն ու հիվանդները տարհանվել են։ Զոհերի մասին տեղեկություններ չկան։