Կիրակի, 01 նոյեմբերի, 2026 թ.
|
Ստեփանակերտում`   +10 °C

«Հաջորդ շաբաթ սահմանային անվտանգության հատուկ թիմ է Հայաստան մեկնելու». Էնթոնի Բլինքեն (ՈՒՂՂՎԱԾ)

«Հաջորդ շաբաթ սահմանային անվտանգության հատուկ թիմ է Հայաստան մեկնելու». Էնթոնի Բլինքեն (ՈՒՂՂՎԱԾ)
525
Երեքշաբթի, 14 հունվարի, 2025 թ., 23:24

ՈՒՂՂՈՒՄ- Բլինքենն իրականում ասել է․ «Հաջորդ ամիս՝ առաջիկա շաբաթներին, մեր Մաքսային և Սահմանային պահպանության թիմը կմեկնի Հայաստան՝ աշխատելու հայ գործընկերների հետ սահմանային անվտանգության կարողությունների զարգացման ուղղությամբ»:

Ինչպես հայտնել ենք, ԱՄՆ-ում Արարատ Միրզոյանը և Էնթոնի Բլինքենն ստորագրեցին ՀՀ-ի և ԱՄՆ-ի միջև ռազմավարական գործընկերության մասին կանոնադրությունը։ «Հաջորդ շաբաթ սահմանային անվտանգության հատուկ թիմ է Հայաստան մեկնելու՝ համատեղ սահմանային անվտանգության ուղղությամբ աշխատանք իրականացնելու համար, ամրապնդելու ենք անվտանգության ուղղությամբ համապատասխան աշխատանքը»,- հաջորդիվ կայացած մամլո ասուլիսի ժամանակ հայտարարեց ԱՄՆ-ի պետքարտուղար Էնթոնի Բլինքենը՝ հավելելով, որ կշարունակվի նաև Eagle Partner ձևաչափի շրջանակում համագործակցությունը: