Հայաստանը միանում է ԴԱԻՇ-ի դեմ պայքարի կոալիցիային

Հայաստանը մտադիր է միանալ ահաբեկչական խմբավորում ԴԱԻՇ-ին՝ «Իսլամական պետությանը» պարտության մատնելու գլոբալ կոալիցիային։

Այս մասին ԱՄՆ-ի պետքարտուղար Էնթոնի Բլինքենի հետ համատեղ ասուլիսի ժամանակ հայտնել է ՀՀ ԱԳ նախարար Արարատ Միրզոյանը:

«Մենք կարծում ենք, որ կայուն և բարգավաճող Հարավային Կովկասը բխում է տարածաշրջանային բոլոր դերակատարների և ավելի լայն միջազգային հանրության շահերից:

Հայաստանը հանձնառու է շարունակելու սերտ համագործակցությունն ԱՄՆ-ի հետ՝ այս ընդհանուր նպատակին հասնելու համար: Համաշխարհային անվտանգության հանդեպ ընդհանուր հանձնառության ոգով Հայաստանը մտադիր է միանալ «Իսլամական պետությանը պարտության մատնելու գլոբալ կոալիցիային»՝ հավելյալ ընդգծելով մեր նվիրվածությունը միջազգային ահաբեկչության դեմ պայքարին»,- ասել է Միրզոյանը։