Գազայում հրադադար հաստատվեց. բնակիչները տոնում են

Գազայի հատվածի կենտրոնում գտնվող Դեյր Բալախ քաղաքի բնակիչները դուրս են եկել փողոց՝ տոնելու ՀԱՄԱՍ-ի և Իսրայելի միջև հրադադարի մասին համաձայնագրի հայտարարությունը, հայտնում է РИА Новости-ի թղթակիցը։
Քաղաքի կենտրոնում հազարավոր քաղաքացիներ շնորհավորում են միմյանց, տեղ-տեղ երիտասարդները պարում և երգում են՝ ձեռքներին բարձրացնելով Պաղեստինի ազգային դրոշները։
Զանգվածային տոնակատարություններ են սկսվել նաև Գազայի հատվածի այլ քաղաքներում, ինչպես նաև հարևան Լիբանանի մայրաքաղաք Բեյրութում։ Ավելի վաղ Կատարի վարչապետը հայտնել էր, որ Կատարը, Եգիպտոսը և ԱՄՆ-ն համաձայնության են եկել Գազայի հատվածում հրադադարի շուրջ։ Համաձայնագրի իրականացումը կսկսվի հունվարի 19-ին։