«Հանրությունը ոչ թե արժեհամակարգի, այլ մարդկանց փոփոխություն է պահանջում». Վահե Լոռենց

Պատմաբան, գրող, հրապարակախոս Վահե Լոռենցի ֆեյսբուքյան գրառումը․ «Մեր մոլորությունն այն է, որ հանրությունը ոչ թե արժեհամակարգի, այլ մարդկանց փոփոխություն է պահանջում։ Եվ առաջանում է հակասություն՝ Հների ու Նորերի։ Եվ այդ հակասության մեջ կորցնում ենք գլխավորը, ամենակարևորը՝ արժեհամակարգը։

Այսքան կորուստներից հետո անգամ չհասկացանք, որ խնդիրն ամենևին Նիկոլի ու իր թիմի տկարությունը, նրա դավաճանությունը չէ։ Քանզի հանրությո'ւնը կերտեց նրան այդպիսին։
Խնդիրը նույն հանրության, այսօրվա հայի արժեհամակարգի բացակայության մեջ է։
Վերջին երեսուն տարիներին չեմ հադիպել գեթ մեկ քաղաքական ուժի, որն արժեքների փոփոխություն առաջարկեր, որն առաջարկեր ազգային, ազգայնական գաղափարախոսություն։ Միայն ինչ-որ ծեծված տնտեսական լոլոներ, հակակոռուպցիոն կեղծ ծրագրեր, Արևելք-Արևմուտք հակասության վրա խաղեր։
Եվ արդյունքում ունենք այն, ինչ ունենք։
Անարժեք հանրությունն անարժան է ավելիին»։