«Որևէ մեկը հույս ունի՞, որ հայտարարագրերով ներկայացված տվյալները գաղտնի կմնան»․ Հովհաննես Ավետիսյան

Հանրային կառավարման մասնագետ Հովհաննես Ավետիսյանի ֆեյսբուքյան գրառումը․ «Մի երկրում, որ մարդու վրա կեղծ քրեական գործեր են սարքում. երկիր, որտեղ երկրի վարչապետի պաշտոնում գտնվող մարդը ապօրինի ձևով իր կուսակցի հեռախոսի հաղորդագրություններին է տիրանում, ինչ-որ մեկը հույս ունի՞, որ հայտարարագրերով ներկայացված տվյալները գաղտնի կմնան:
Ինչ-որ մեկը հույս ունի՞, որ այս ղեկավարության օրոք, որը թքած ունի մարդկանց իրավունքների, օրենքների և արդարադատության վրա, իշխանության տարբեր պաշտոնյաներ կամ հենց վարչապետի պաշտոնում գտնվող մարդը, իր հայեցողությամբ, կամայական մարդու տվյալներ չի օգտագործի նրա դեմ՝ քաղաքական բռնաճնշումների նոր սխեմաների տեսքով:
Որպես քաղաքական մարդ՝ ես որևէ նման երաշխիք չունեմ և ունեմ լիքը մտավախություններ: Ո՛չ մարդու իրավունքների պաշտպանի ինստիտուտն է աշխատում, ո՛չ դատական համակարգը, ո՛չ էլ ոստիկանական»։