«Գազայի հատվածում հրադադարն ուժի մեջ է մտնում». Նեթանյահուի գրասենյակ

Գազայի հատվածում հրադադարն ուժի մեջ է մտնում, հայտարարել է Իսրայելի վարչապետ Բենիամին Նեթանյահուի գրասենյակը՝ ազատ արձակվող պատանդների ցուցակը ստանալուց հետո։

Հիշեցնենք՝ վաղ առավոտյան Իսրայելը հայտնել էր, որ հրադադարն ուժի մեջ չի մտնի, քանի դեռ ՀԱՄԱՍ-ը չի տրամադրել պատանդների ցուցակը։

Ավելի ուշ Նեթանյահուի գրասենյակի խորհրդական Դմիտրի Գենդելմանը տեղեկացրել էր, որ ստացել են պատանդների ցուցակը, որոնց ՀԱՄԱՍ շարժումը պետք է ազատ արձակի գործարքի առաջին փուլում։