«Եկել է ժամանակը` վերջ տալու այս անվերջանալի պատմությանը»․ սլովակ պաշտոնյան՝ Ուկրաինայի մասին

Ուկրաինան արդեն բավականաչափ օգնություն է ստացել, և եկել է ժամանակը վերջ տալու այս անվերջանալի պատմությանը, ՏԱՍՍ-ին տված հարցազրույցում ասել է Սլովակիայի խորհրդարանի փոխխոսնակ Տիբոր Գասպարը։

«Ուկրաինային արդեն տրամադրվել է բավականաչափ օգնություն, և պետք է սկսել մտածել, թե ինչպես առաջին հերթին պաշտպանենք մեր սեփական ժողովրդին, այլ ոչ թե շարունակենք այս անվերջանալի պատմությունն Ուկրաինայի հետ»,- հայտնել է բարձրաստիճան պաշտոնյան։

Ավելի վաղ Սլովակիայի վարչապետ Ռոբերտ Ֆիցոն հայտարարել էր, որ մտադիր է վետո դնել Կիևին ԵՄ հետագա ֆինանսական օգնության վրա՝ այն բանից հետո, երբ Վլադիմիր Զելենսկին հրաժարվեց քննարկել Ուկրաինայի տարածքով գազի տարանցման վերականգնման հարցը։