«Ջրանցքը եղել և մնում է Պանամայի մաս»․ Պանամայի նախագահ

650

Չորեքշաբթի, 22 հունվարի, 2025 թ., 01:20

Պանամայի նախագահ Խոսե Ռաուլ Մուլինոն հերքել է ԱՄՆ-ի նախագահ Դոնալդ Թրամփի այն պնդումները, թե ԱՄՆ-ն մտադիր է վերահսկողություն հաստատել Պանամայի ջրանցքի վրա։ Այս մասին նա հայտնել է X սոցիալական ցանցում։

«Պանամայի Հանրապետության և նրա ժողովրդի անունից պետք է կտրականապես հերքեմ նախագահ Դոնալդ Թրամփի երդմնակալության ուղերձում Պանամայի և նրա ջրանցքի վերաբերյալ արված հայտարարությունները։ Ջրանցքը եղել և մնում է Պանամայի մաս, և դրա կառավարումը կմնա Պանամայի հսկողության ներքո՝ խստորեն պահպանելով նրա մշտական չեզոքությունը»,- ասել է Մուլինոն։

Հիշեցնենք, որ Թրամփն իր երդմնակալության ելույթում հայտարարել էր մոտ ապագայում Պանամայի ջրանցքն ԱՄՆ-ի վերահսկողությանը վերադարձնելու ծրագրերի մասին՝ սխալ անվանելով այն հանձնելու՝ 1977թ-ի որոշումը։

Մուլինոն ընդգծել է, որ Պանաման ջրանցքի սեփականատերն է արդեն 25 տարի, և ոչ մի երկիր չի միջամտում դրա կառավարմանը։ Միևնույն ժամանակ, նրա խոսքով, Պանամայի իշխանությունները պատրաստ են երկխոսության, եթե դա չխաթարի Պանամայի իրավունքները, ինքնիշխանությունը և ջրանցքի նկատմամբ նրա սեփականությունը։

ԱՐՑԱԽ ԼՐԱՏՎԱԿԱՆ

«Ջրանցքը եղել և մնում է Պանամայի մաս»․ Պանամայի նախագահ

Կարդացե՛ք նաև

«Արևմուտքն է որոշում՝ ով է բռնապետ, ով՝ ժողովրդավար»․ ՀայաՔվե

«Եղբայրս նկատի է ունեցել «հայաստանցի» և «ղարաբաղցի» բառերը»․ Էմմա Պալյան

««Ղարաբաղցի՞ ես, թե հայ»․ հարց, որ կարող է առաջանալ միայն փտած ու թարախակալած ուղեղում»․ Գեղամ Ստեփանյան

«Արդյո՞ք Գյումրիում ընդգրկվել են Արցախից բռնի տեղահանված մեր հայրենակիցները»․ Նարեկ Միրզոյան

«Ռեժիմը խուճապի մեջ է»․ Աննա Կոստանյան

«Շղթան կփակվի այն ժամանակ, երբ այս իշխանությունն այլևս պետության ղեկին չի լինի»․ Տիգրան Աբրահամյան (տեսանյութ)

«Բա՝ «շինելու», «մատ թափ տալու» վերաբերյալ ինչի՞ դատարանները չվրդովվեցին»․ Նաիրա Զոհրաբյան (տեսանյութ)

«Խոսքի ազատության տիտանական նահանջ է արձանագրվում ՀՀ-ում»․ Արամ Վարդևանյան