Ուրբաթ, 04 հուլիսի, 2025 թ.
|
Ստեփանակերտում`   +22 °C

««Իկարուսներ»-ը վերացան, որովհետև այն ժամանակ դրանց համար չի վճարվել». Նիկոլ Փաշինյան

««Իկարուսներ»-ը վերացան, որովհետև այն ժամանակ դրանց համար չի վճարվել». Նիկոլ Փաշինյան
1472
Չորեքշաբթի, 22 հունվարի, 2025 թ., 19:12

Երևանում այլևս չկա այն, ինչ մենք 2017 թվականին անվանել ենք «հուսահատության ԳԱԶել»-ներ, Ազգային ժողով-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ նշելով, որ այժմ քննարկվում է Երևանում նոր տրանսպորտային համակարգ ստեղծելու հարցը:

«Մի հարց տամ՝ Երևանում տրանսպորտային համակարգ չի եղե՞լ, նո՞ր ենք էդ համակարգը կառուցում: Երևանում եղել է տրանսպորտային համակարգ, բայց վերացել է, որովհետև դրա համար ամեն ինչ արվել է, որ լինի ձրի, որ սոցիալական որևէ շորշոփ չառաջացնի: Հիմա կարող ենք ասել՝ եկեք ոչինչ չփոփոխենք, ինչպես օգտվում էինք «ԳԱԶել»-ներից, օգտվենք նոր ավտոբուսներից: Բայց տեղի կունենա հետևյալը՝ տրանսպորտ, որի պատուհանի տեղը «սկոչով ցելոֆան է կպցրած», պատուհանը կոտրված է, նստարանը կոտրված է:

Մենք ուզում ենք վճարել միայն մեր՝ այսօրվա գործի գնալու համա՞ր, թե՞ որ 10 տարի հետո էլ Երևանում հնարավոր լինի նորմալ տրանսպորտով գործի գնալ: «Իկարուս»-ները վերացան, որովհետև այն ժամանակ դրանց համար չի վճարվել»: