«Արման Սահակյանի նկատմամբ խափանման միջոց է ընտրվել վարչական հսկողությունը». ՔԿ

Պետգույքի կառավարման կոմիտեի նախկին նախագահ, ՀՀԿ անդամ Արման Սահակյանը ձերբակալվել, ապա ազատ է արձակվել: Նրա նկատմամբ որպես խափանման միջոց է ընտրվել վարչական հսկողությունը:

Քննչական կոմիտեից «Լուրեր»-ին հայտնել են, որ Սահակյանը և ևս 12 անձ 2012-2015 թվականներին Երևանի 3 ուսումնական հաստատությունների զբաղեցրած տարածքների վերաճշտման պատրվակով, ապօրինի առանձնացրել են հողատարածքներ, որոնց հանցավոր ծագումը թաքցնելու նպատակով նշված անշարժ գույքերը ձևական աճուրդների միջոցով օտարել են իրենց հետ փոխկապակցված անձանց:

Վարույթի շրջանակում ձերբակալվել է ևս 7 անձ, որոնց նկատմամբ դատարանի որոշմամբ տարբեր խափանման միջոցներ են ընտրվել: