Ուրբաթ, 13 մարտի, 2026 թ.
|
Ստեփանակերտում`   +2 °C

«Սև արկղերի մասին ԶԼՄ-ների տվյալները տարբերվում են իրականությունից»․ Ղազախստանի փոխվարչապետ

«Սև արկղերի մասին ԶԼՄ-ների տվյալները տարբերվում են իրականությունից»․ Ղազախստանի փոխվարչապետ
653
Ուրբաթ, 24 հունվարի, 2025 թ., 13:43

Ղազախստանի փոխվարչապետ Կանատ Բոզումբաևը հայտարարել է, որ AZAL ինքնաթիռի «սև արկղերի» վերաբերյալ ԶԼՄ-ներում հայտնված տվյալները տարբերվում են իրականությունից։

«Եթե ինչ-որ մեկը համացանցում ինչ-որ բան է հրապարակել, չի նշանակում՝ ճշմարտություն է։ Սև արկղերի պարունակության և ԶԼՄ-ներում հրապարակվածի միջև մեծ տարբերություն կա»,- ասել է փոխվարչապետը։

Ավելի վաղ Կանատ Բոզումբաևը հաղորդել էր, որ «սև արկղերն» ամբողջությամբ վերծանվել են, և հետաքննության նախնական արդյունքները կհրապարակվեն հաջորդ շաբաթ։

Հիշեցնենք՝ ԶԼՄ-ներում որպես ինքնաթիռի կործանման վարկածներ նշվում էին թռչունների երամի հետ բախումը, ֆիզիկական և տեխնիկական արտաքին միջամտությունը, ռուսական ՀՕՊ համակարգերը և այլն։